ufjelg » Informasjon

Sverige går i seg sjølv. Med humor og artig kameraføring.

Proletaren — Wed, 27 Jan 2010 13:41:41 +0000

Eg fekk ein link frå svigerinna mi i dag. Eit program på SVT som heiter Landet Brunsås. Moro og lærerikt om Sverige, mat og kultur. Tre heilt ålreite ting altså. Få det med deg! Programma vert også lagt ut på nett-TV hjå SVT.

Fyrste program ligg her, andre går på TV i kveld.

Yngste stortingsrepresentant

hvrd — Tue, 15 Sep 2009 07:08:34 +0000

Mette Hanekamhaug (22) frå Molde vert yngste representant i denne perioden. Frå ho var 19 jobba hos som personleg assistent for Siv Jensen. Adressa intervjua henne i forkant av valet.

Via Twitpic

Informasjon

hvrd — Sun, 19 Apr 2009 20:06:13 +0000

Teknologiansvarleg informerer: Ufjelg har fått spesialsydd drakt for dei som er ute og surfar med iPhone eller iPod Touch.

Sørstatsrockansvarleg informerer: Fredag vart, som seg hør og bør, utelukkande brukt til å pløye igjennom mengder med sørstatsrock. Den store oppdaginga var Blackfoot si plate Strikes frå -79. Om eg var på bilferie i feks. USA, ville eg sytt for å ha minst eitt eksemplar av albumet med i bagasjen, og eitt i cd-spelaren.

KISS

snorre b — Thu, 05 Mar 2009 12:21:55 +0000

Har alltid tenkt at eg var akkurat litt for ung til å få med meg dette musikalske fenomenet på 80-talet. Derfor artig å få titta litt på kva dette var for noko.

I will never go to school

Litt meir prog enn eg hadde trudd..

Quiz: Kven er du …

hvrd — Wed, 14 Jan 2009 21:03:39 +0000

… på Coop Extra Bygg Førde?

Du er ein typisk Halvor Erdal! Du er ein kundevennleg person, som gjerne slår av ein liten spøk til kundar litt for ofte. Gjer alt for å unngå å sitte i kassa.

The year on Ufjelg

baardemann — Wed, 10 Dec 2008 19:32:36 +0000

Avisa Verdens gang presenterte i dag lister over dei mest populære søka på internett i år. Ikkje så mange overraskingar og ikkje særs interessant. Her er ei liste over dei mest populære sakene på Ufjelg i 2008. Finans er naturleg nok hot, og merkeleg nok klamrar Tiller seg til toppen:
(tala i parantes viser kor mange gonger artiklane er opna)

1. Carl Frode Tiller: Bipersonar (486)
2. Finanskrisa - sanninga (438)
3. Lurt av russiske damer (293)
4. Dokumentarfilm, første del (218)
5. Em-tipping (169)
6. Ny helg - nok ein gladnyheit (155)
7. Return of the telefonselger (151)
8. Jehova! (145)
9. Det eneste staten ghjør er og skal ha og ha (136)
10. Dokumentarfilm, andre del (130)

BMW-eigarar er verstingar

hvrd — Wed, 10 Dec 2008 08:48:16 +0000

I Dine Pengers undersøking av bilførarars haldningar og handlingar kom BMW-eigarar, saman med Audi- og Mercedes-eigarar, dårlegast ut, skriv Aftenposten.

De beholder gjerne penger de finner, de kjører gjerne for fort, de sniker på trikken og synes ikke det er så ille å snyte litt på skatten. Samtidig er BMW det bilmerket som kolliderer mest.

Godt å få stadfesta dette.

Fareed Zakaria GPS

baardemann — Wed, 26 Nov 2008 18:38:03 +0000

For folk som set pris på politisk analyse og gode diskusjonar, vil eg gjerne tilrå eit fjernsynsprogram som eg oppdaga tidlegare i haust og som no har vorte eit fast innslag i søndagskvelden min. Fareed Zakaria GPS går på CNN kvar søndag 21.00 norsk tid.

Her er eit klipp frå siste program:

Nytt frå arkivet

hvrd — Fri, 07 Nov 2008 11:25:21 +0000

Grunna eit serverbytte for ei tid sidan forsvann bileta frå ein heil del eldre saker. Etter mange purringar har endeleg arkivavdelinga teke ansvar og rydda opp. Her følgjer eit knippe saker som har fått biletet sitt tilbake, og som med fordel kan lesast ein gong til.

Gjensyn med Twin Peaks på Tv2

baardemann — Fri, 05 Sep 2008 16:43:26 +0000

I kveld 23.40 sender Tv2 første episode av den legendariske fjernsyns-serien Twin Peaks. Det blir eit deilig gjensyn med tidenes skumlaste serie og eit fantastisk persongalleri. Pete Martell finn liket av Laura Palmer, Ronette Pulaski blir funne skamslått og FBI-agent Dale Cooper kjem til Twin Peaks, i ein episode som er av dei absolutt betre i serien.

Moderne femkamp

hvrd — Mon, 18 Aug 2008 12:35:17 +0000

21. og 22. august går OL-konkurransane i moderne femkamp av stabelen. Det skal konkurrerast i 10 m luftpistol, fekting med korde (ikkje sabel, nei), 200 m fristilsymjing, sprangridning med ukjent hest og 3 km terrengløp. Ifølge Wikipedia vart konkurransen konstruert av baron Pierre de Coubertin og den har som mål å simulere erfaringane til ein kavalerist på 1800-talet.

I herreklassen er verdsmeister av året Ilya Frolov ein av dei store favorittane. Det er også knytt stor spenning til om vinnaren frå Athen, Andrei Moiseev, vil klare å gjenta bragden frå 2004. På spinnesida er det store forhåpningar til om den egyptiske verdscupvinnaren frå i fjor, 20 år gamle Aya Medany, kan hamle opp med verdsmeisteren dei siste to åra, franske Amelia Caze.

Lausriv! Lausriv! Trur eg..

Proletaren — Sun, 09 Mar 2008 14:52:09 +0000

Litt seint, men greit nok. I avisa BA i Bergen er det no ein debatt om sentralmakta i Oslo versus Bergen/Hordaland/Vestlandet. Folk vestpå er lei av at vanstyre frå austlendingar skal gå ut over oss her vest. Det er kome fram at Vestlandet skaper 70% av verdiane, men får att 28% i overføringar. Frank Aarerot åtvarar i avsa Dag og Tid mot danninga av eit opprørsk regionalt parti som vil kreve Vestlandet sin rettmesige del av kaka. I ytterste konsekvens, kanskje lausriving frå resten av Noreg. Når eg skriv at det kjem litt seint, meiner eg at vi hadde alle tiders sjanse for berre få år sidan. Vi hadde Fusakongen, eit konstitusjonelt alibi, og vi hadde regionsreforma som kunne samla Vestlandsregionen. No har Fusakongen har abdisert, regionsreforma har stranda, og sluttrapporten er berre rekved.

Men vil vi dette? Vil du dette? Om vi ser på andre regionar/minoritetar som har rive seg laus eller ønskje dette, er det mykje usympatisk egoisme å spore. Aarebrot nemner Nord-Italia, Catalonia og Baskarland, alle rikare regionar enn resten av landet. Eg vil for eiga rekning slengje på Flandern-Vallonia-konflikta i Belgia. Rike Flandern i nord ønskjer ikkje å "subsidiere" fattige Vallonia i sør, og dei har så store samarbeidsproblemer at Belgia i haust var nærare 200 dagar utan regjering!

Kunne Vestlandet forvalta denne enorme rikdomen som vi tilfeldigvis er geografisk i nærleiken av? Eller hadde olje-, gass- og fiskepengane gjort oss like korrumperte som vestkanteliten i Oslo? Hadde vi vorte eit føregangsland som folk verda over såg opp til, eller hadde vi brukt alt på å kjøpe John Terry og Ronaldinhio til Brann eller Viking? Ville Vestlandet klart å bli samde om ein hovudstad? Neppe. Eg trur at straks grenseposten var på plass på Hardangervidda og Hemsedalsfjellet så ville det vore borgarkrig mellom bergensarar og siddisar.

Kanskje er Vestlendingen så uregjerleg at det er like greit at makta ligg i Oslo? Vi får vone for freden sin del at ikkje Kosovo vert anerkjend av verda. Det kan tenne gneistar til andre små regionar og folkegrupper. Enn så lengje kranglar vi fredsommeleg om småpeng her vest.

Kulturnytt frå nord

Proletaren — Sat, 08 Mar 2008 14:23:32 +0000

Her er noko av det som skjer på kulturfronten her i Hammerfest i helga. Dette blir nok stygt.

Alternativ konfirmasjon

hvrd — Wed, 20 Feb 2008 11:42:23 +0000

Er du i konfirmasjonsalderen er det no kome eit nytt alternativ, nemleg Holistisk konfirmasjon.

Vi mener det er mer mellom himmel og jord enn det man lærer på skolen. Verden er et spennende og morsomt sted å være, og unge mennesker står overfor sine første selvstendige valg. Et av disse valgene kan være å velge en holistisk konfirmasjon.

[..]

Vi ønsker å gi konfirmantene en forståelse av energetiske prosesser og noen nyttige spirituelle verktøy som de kan bruke i sin egen prosess.

Synd det ikkje var slike tilbod då eg var ung og usikker.

Ytrefilet av bjørn

hvrd — Fri, 01 Feb 2008 18:54:09 +0000

Frå krigsforumet sluttstykket.com har vi henta denne helgas mattips:

Den ble servert sammen med båtpotatis stekt i ovnen, Fløtesaus på basis av bjørnekraft med blåbær. Ruccolasalat og agurk fylt med rognebærgele.

Nam!

Bjørnen var en treåring på 90 kilo.

Vel bekomme!