ufjelg » IT og samfunn

Ben Folds på Chatroulette?

hvrd — Tue, 16 Mar 2010 13:39:33 +0000

[Oppdatering:]Filmen går visst ikkje å embedde lenger, men den kan sjåast på YouTube.
Det vert spekulert i om det er Ben Folds som står bak følgjande meisterverk.

Eg veit ikkje, men det er den beste Internetthumoren eg har sett på lange tider. Iallfall på fleire timar.

Via nrkbeta.no.

Sverige går i seg sjølv. Med humor og artig kameraføring.

Proletaren — Wed, 27 Jan 2010 13:41:41 +0000

Eg fekk ein link frå svigerinna mi i dag. Eit program på SVT som heiter Landet Brunsås. Moro og lærerikt om Sverige, mat og kultur. Tre heilt ålreite ting altså. Få det med deg! Programma vert også lagt ut på nett-TV hjå SVT.

Fyrste program ligg her, andre går på TV i kveld.

Company music

hvrd — Thu, 26 Nov 2009 08:22:25 +0000

Vi har tidlegare hatt stor glede av hiten Aibel Song ("Der e du - her e me"), og etter nærmare research ser eg konturane av, for meg, ein hittil ukjend musikksjanger: Company music.

Forutan omtalte Aibel Song, har vi også The Ekofisk Song.

Statsoljeselskapet vil som vanleg vere best i klassa, og har hyra inn superstjerna Åge Sten "Glam" Nilsen.

Etter å ha sett dette føler eg meg endå tryggare på at naturressursane våre vert forvalta optimalt.

Spotify

hvrd — Thu, 18 Dec 2008 19:11:06 +0000

Berre så det er sagt: Er du det spor interessert i musikk og ikkje er på Spotify, så er du heilt ute. Fullstendig ute. Spotify er, som Egon Holstad ville sagt, det beste sidan oppskjært brød. Eigentleg er det ei usannsynleg kjapp streaming-teneste med eit utval som overgår sjølv den mest ihuga mp3-samlar sin kolleksjon.

Om du ikkje har lyst å betale 99 bols/mnd, må du ha ein invitasjon for å få tilgang. I skrivande stund har eg to stk att og eg er så storsinna i desse juletider at eg rett og slett donerer dei bort til den første, og den andre, som melder seg (det er altså det såkalla "første mann til mølla-prinsippet" som gjeld).

The year on Ufjelg

baardemann — Wed, 10 Dec 2008 19:32:36 +0000

Avisa Verdens gang presenterte i dag lister over dei mest populære søka på internett i år. Ikkje så mange overraskingar og ikkje særs interessant. Her er ei liste over dei mest populære sakene på Ufjelg i 2008. Finans er naturleg nok hot, og merkeleg nok klamrar Tiller seg til toppen:
(tala i parantes viser kor mange gonger artiklane er opna)

1. Carl Frode Tiller: Bipersonar (486)
2. Finanskrisa - sanninga (438)
3. Lurt av russiske damer (293)
4. Dokumentarfilm, første del (218)
5. Em-tipping (169)
6. Ny helg - nok ein gladnyheit (155)
7. Return of the telefonselger (151)
8. Jehova! (145)
9. Det eneste staten ghjør er og skal ha og ha (136)
10. Dokumentarfilm, andre del (130)

Tambarskjelvar – Anga 4-4

hvrd — Sat, 03 May 2008 06:42:21 +0000

1. mai spelte Tambarskjelvar sitt nyoppstarta A-lag treningskamp mot den gamle kjempen Anga. Resultatet enda 4-4 og Ufjelgs sportsredaksjon gratulerer Tambar-gutane med sin første kamp etter nyoppstartinga utan tap. Referat frå kampen på Tambar.no.

Første seriekamp er mot Gaular 2 den 6. mai på Naustdal stadion. Møt opp!

Drøy kost

hvrd — Tue, 25 Mar 2008 21:00:17 +0000

Ingeniørfirmaet Aibel har laga ein låt. Kva målet med den er, er ikkje lett å forstå, men stikkord kan vere synergieffektar, kravspesifikasjon, kundefokus og kjernekompetanse. Det er så pinleg at det er vanskeleg å sitte i ro på stolen. Larry David kunne ikkje gjort det betre.

Statsoljeselskapet har sjølvsagt mykje meir pengar og har tatt konsekvensen av det og hyra inn super stjerna Åge Sten 'Glam

Lausriv! Lausriv! Trur eg..

Proletaren — Sun, 09 Mar 2008 14:52:09 +0000

Litt seint, men greit nok. I avisa BA i Bergen er det no ein debatt om sentralmakta i Oslo versus Bergen/Hordaland/Vestlandet. Folk vestpå er lei av at vanstyre frå austlendingar skal gå ut over oss her vest. Det er kome fram at Vestlandet skaper 70% av verdiane, men får att 28% i overføringar. Frank Aarerot åtvarar i avsa Dag og Tid mot danninga av eit opprørsk regionalt parti som vil kreve Vestlandet sin rettmesige del av kaka. I ytterste konsekvens, kanskje lausriving frå resten av Noreg. Når eg skriv at det kjem litt seint, meiner eg at vi hadde alle tiders sjanse for berre få år sidan. Vi hadde Fusakongen, eit konstitusjonelt alibi, og vi hadde regionsreforma som kunne samla Vestlandsregionen. No har Fusakongen har abdisert, regionsreforma har stranda, og sluttrapporten er berre rekved.

Men vil vi dette? Vil du dette? Om vi ser på andre regionar/minoritetar som har rive seg laus eller ønskje dette, er det mykje usympatisk egoisme å spore. Aarebrot nemner Nord-Italia, Catalonia og Baskarland, alle rikare regionar enn resten av landet. Eg vil for eiga rekning slengje på Flandern-Vallonia-konflikta i Belgia. Rike Flandern i nord ønskjer ikkje å "subsidiere" fattige Vallonia i sør, og dei har så store samarbeidsproblemer at Belgia i haust var nærare 200 dagar utan regjering!

Kunne Vestlandet forvalta denne enorme rikdomen som vi tilfeldigvis er geografisk i nærleiken av? Eller hadde olje-, gass- og fiskepengane gjort oss like korrumperte som vestkanteliten i Oslo? Hadde vi vorte eit føregangsland som folk verda over såg opp til, eller hadde vi brukt alt på å kjøpe John Terry og Ronaldinhio til Brann eller Viking? Ville Vestlandet klart å bli samde om ein hovudstad? Neppe. Eg trur at straks grenseposten var på plass på Hardangervidda og Hemsedalsfjellet så ville det vore borgarkrig mellom bergensarar og siddisar.

Kanskje er Vestlendingen så uregjerleg at det er like greit at makta ligg i Oslo? Vi får vone for freden sin del at ikkje Kosovo vert anerkjend av verda. Det kan tenne gneistar til andre små regionar og folkegrupper. Enn så lengje kranglar vi fredsommeleg om småpeng her vest.

Ice cool

hvrd — Fri, 04 Jan 2008 17:45:24 +0000

Evig solskin i eit sjukdomfritt sinn

Proletaren — Wed, 21 Nov 2007 18:33:44 +0000

I dag fekk me nyhenda om at det no har vore eit gjennombrot i stamcelleforsking. Forskarar i USA og Japan har klart å lage stamceller av hudceller, slik at ein ikkje treng nytte befrukta egg. Dette er jo vel og bra, men i nyhendeinnslaget som eg høyrde i radioen og seinare på Dagsrevyen klokka 19 vart det sagt at målet i framtida er eit liv utan sjukdom og evig liv. Er dette ein del av Den Norske Lægeforening sin uttalte visjon/filosofi? Eller er det ei utsegn frå NRK for å sexe opp innslaget? Dersom det fyrstnemde er riktig vonar eg at det vil kome ein debatt om etikken til Lægeforeningen. At ei yrkesgruppe som lever av å hjelpe/reparere sjuke kroppar/menneske sitt mål er å utrydde all sjukdom og dermed sitt levebrød er jo heilt idiotisk. Tenk om kokkar skulle forske på eit middel for gjer at folk ikkje trengde å ete? Er det bra å fjerne all sjukdom? Er det mogleg? Kva med psykiske sjukdomar. Kva samfunn vert det? Evig liv til alle mann? I desse klimatider må slike påstander vere reine drepen for miljøet. Evig liv? Kvar då? På Mars?

Eg vel å tru at denne påstanden kjem frå NRK, og vonar at dei i framtida kuttar ut denne typen tabloide fjolleutsegn. Er det nokon lesarar frå helsevesenet som vil stille seg bak dette?

La oss ta fyrstesideoppslaget!

Proletaren — Sat, 03 Nov 2007 10:21:34 +0000

Har de sett den nye videoen til Spice Girls? Ai ai ai. Nittitalets fjortisheltar er attende. Tobarnsmor Victoria og gjengen ålar seg lettkledd rundt i eit mørkt og tungt møblert rom. Ein slags cross-over av drapsåstad frå The Linley Mysteries og ein pornofilm. Det sjukt, men samtidig må eg berre le. Moralen er i fritt fall. Men dei kjem vel unna med dette også. Billettane til "konsert-turnéen" er visst rivne vekk. Undrast på kven kjøparane er? Nye fjortisar eller gamle grisar? Dette appelerer visst til fleire lag.

Values and democracy

Proletaren — Thu, 01 Nov 2007 19:20:58 +0000

Sjølv om det førebels berre er 13 som har røysta på spørjeundersøkinga til høgre her på sida, må eg seie at eg finn resultata oppsiktsvekkjande! At fleirtalet ønskjer å surfe på internett i eit liv utan mosjon, musikk eller alkohol? Vel, det vert jo ikkje så mykje mosjon framføre pc-en, men kva skal ein surfe etter, når det ikkje finnst sport, vinsider eller musikk å laste ned? At nokon også tykkjer snus er meir verd enn til dømes musikk, er også ganske interessant. Eg kan vel berre avsluttningsvis slå fast at folk er jækla forskjellige! God helg!

Frå samfunnsmedviten borgar til sjuk sjuk sjuk kikkar

Proletaren — Sun, 21 Oct 2007 15:10:43 +0000

Desse skattelistene har aldri brydd meg noko nemneverdig. Eg har registrert at nok ein gong vel ein del høgt profilerte eller velståande personar å bidra oppsiktsvekkjande lite til felleskapen. Eg har fått med meg at Sigurd Rushfeld har lagt seg opp litt etter nokre år i utlandet. Greit nok. Og så tenkt eg ikkje meir på skattelister og slikt. Ikkje før eg fekk ein epost av min far. Han kunne fortelje at eg tente meir enn han, men at han betalte meir skatt. Min eigen far, der altså. Jasså, så vi er begynt å sjekke skattelistene?! Eg måtte då finne ut kva han tente, skatta og hadde i evt. formue, og så var ballet i gong. For når eg fyrst hadde funne ut kva min far var god for, så kom det jo opp ti på topp i hans årskull og skattekommune. Då måtte eg finne ut korleis eg gjorde det i høvet til jamnaldringar i min noverande skattekommune og i Førde. Gamle klassekameratar vart gravde fram. Slekt, svigerforeldre, naboar og kollegaer måtte sjekkast. Ingen gjekk fri. Til og med ufjelg-bidragsytarar kom under lupa.

Eg hadde ikkje trudd dette om meg sjølv. At eg skulle synke så djupt. Men det er så altfor lett tilgjenge til skattelistene. Dette kan ikkje halde fram. Tenk kva som kan skje om verkeleg sjuke folk byrjar med dette. Nei uff. Eg får seie som Kjetil Brottveit i Dag og Tid; no vert det FRP.

Organisasjonskart

hvrd — Fri, 15 Sep 2006 15:55:58 +0000

Nesodden kommune presenterar følgjande innfløkte organisasjonskart for bustadavdelinga. Lenkje

- Kjæresten min er kommunist

hvrd — Wed, 06 Sep 2006 16:54:00 +0000

Eg har ikkje for vane å lese debattsidene på vg.no (aallaaaarm!), og eg oppfordrar heller ikkje til å gjere det, men dette er for fantastisk til å la passere: Kjæresten min er kommunist

Godt mulig det er ein spøk, men god er den i så fall.