Den ikkje ukjende Sufjan Stevens gjestar Sentrum Scene tysdag 14. november. Til dei som har høve til å ta turen: møt opp! "Come on feel the Illinoise" var fjorårets beste plate, og det er ikkje berre eg som meiner det..
-
Siste kommentarar
- jons til Produktiv type
- drleiv til Produktiv type
- hvrd til Ben Folds på Chatroulette?
- hvrd til Kven er dette?
- hvrd til Ben Folds på Chatroulette?
-
Mest populært
-
Småstoff -
Bakom
Loading ...
20 Kommentarar
Opp med ei hand dei som har billett!
Eg lyt vel melde meg her. Nokre goder skal det vere knytta til å bu i Oslo. I tillegg skal eg sjå Lloyd Cole og Yo La Tengo i haust. Lemonheads lyt eg vurdere, men med ein humørsjuk Evan Dando veit ein vel aldri kva ein får.
Du altså! Og dagen før YoLa er det Sparklehorse. Kva med Ryan A.? Det er ikkje kvar dag ein får servert powerpop av Dando-kvalitet utanfor stovedøra, så det bør du nok få med deg!
No såg eg at Lemonheads spelar dagen før Sparklehorse. Det er det verste eg har sett sidan Brå brakk staven.
Vi bergensarar må klare oss med Woven Hand, Damien Jurado, Motorpsycho og The Essex Green i haust. Greit nok...
Ryan Adams har eg aldri høyrt på, det får heller vere mitt problem. Damien Jurado skal eg kanskje på. Han har forøvrig nyleg spelt inn flotte, dog lite oppfinnsomme, versjonar av Nick Drake-songar. The Essex Green lyt du fortelje meir om. Dando og karane spelar ein kveld det passar meg dårleg, det kjem an på når dei byrjar spele.
hm.. vi i Hammerfest får nøye oss med 3x Marte og Geggen Mauno..
Kva er det du seier? Ikkje høyrt på Ryan? Gosjameg og gåmann!
Eg har to albums med Jurado, og det er verkeleg bra saker. Singer/songwriter-aktig, men lydmessig og stemmemessig minner han litt om Jason Molina (Magnolia El Co og Songs Ohia). Får håpe han stiller med fullt band!
Essex Green er glad pop og både dei og andre artistar kan prøvelyttast og kjøpast på her (ALARM, REKLAME): http://www.emusic.com/artist/11532/11532842.html
Eg lever i den trua at Ryan Adams er fattigmanns både det eine og det andre. Du må gjerne freiste å omvende meg, men eg tvilar på at du greier det. The Essex Green høyrest rett fint ut. I dag har eg tatt mot til meg og handla Nickel Creek-albumet "This side". Eg baserte kjøpet på tre ting: ei eldgamal anbefaling fra deg, hvrd, det ufråvikelege faktum at plata vart produsert av Alison Krauss, samt at den inneheld ein finfin versjon av Malkmus-klassikaren "Spit on a stranger". Dette kan ikkje gå gale.
Ryan er kanskje fattigmanns det eine og det andre, men ein artist som har klart å få med både David Rawlings og Gillian Welch på plata si fortener minst ein sjanse. Sjekk forøvrig http://ufjelg.org/mag.mp3
Nickel Creek er eit godt kjøp!
Eg tenkte eg skulle vise livsteikn etter gammalt. Honnør til Kaz for å ta bladet frå munnen når det gjeld Ryan. Det eg har høyrt av mannen har fått meg til å tenke "og so då?". Eg kjenner eit kvinnemenneske som var på den vidgjetne konserten i Liverpool der vår mann fall omkull og lemlesta armen sin. Det var konsertens udiskutable høgdepunkt, sa ho.
Elles skal underteikna på to Lambchop- og éin George Michael-konsert i nær framtid. Pluss Motorpsycho i Bergen, forståss.
Har nokon greie på I Love You But I've Chosen Darkness?
Dette kan ikkje få stå uimotsagt.
Ryan Adams har riktignok gitt ut ein del møkkaplater, og han verkar riktignok både sjølvhøgtideleg og overpretensiøs, men på sitt beste lagar han strålande musikk. Forårets Cold roses og Jacksonville er bra plater.
Takk for sist Nordberg! Eg er samd med Bårdemannen. Eg ser ingen grunn til å honnere Kaz sine fordommar mot Ryan. George Michael, duliksom.
Nokon har fortalt meg at I Love You But.... skal vere verdt å gje ein sjanse. Det var nokon som hadde greie på dei. Hugsar ikkje kven.
Eg har i alle høve fått bekrefta mine fordommar om at Ryan er ein pompøs kar som har gjeve ut mykje ræl.
Dersom det er slik at eit innlegg om den kristenmusikalske Sufjan Stevens skal få utvikle seg til ein marknad for skitslengjing og tarmskylling mot halværlege musikarar som Ryan Adams, så kan det vere vi vert nøydd til å stengje ned heile sjappa! Bortsett frå det er alt såre vel og vi har akkurat kome oss etter eit noko stort inntak av alkoholhaldige drikkevarer.
Dette er vel i særklasse den mest populære tråden i denne sjappa si levetid. For min del kan eg seie at eg har kost meg godt sidan 3. oktober sånn litt utpå kvelden. Om det er slik at enkelte føler at ein lyt komme med truslar om å stengje heile forumet, ja då viser det seg diverre at eg definitivt har frekventert feil nettstad. Eg ber med dette brukarane om å stå fram og fortelje i kva grad dei tykkjer om denne tråden. Eg likar tråden særs godt, det er ein vakker tråd. Dei som ikkje likar tråden kan følgje opp med å fortelje i kva grad dei er hårsåre.
Å kalle denne tråden vakker, som t.d. i Gillian Welch sin Annabelle, er å dra han langt, men populær er den utveksamt, eg likar den godt og eg føler at gamle Munk har fått ein aldri så liten renessanse. Slikt varmar. At nokon tek seg fridom til å truge med å stenge sjappa på vegne av Sentralkomiteen er sjølvsagt trist, og eg er indignert og besviken, men eg velger førebels å tru at det var ein inkurie. Eg stadfestar med dette at det ikkje er eit offisielt syn frå den sanne Sentralkomiteen, og beklagar at nokon har teke seg fridom til å opptre under falsk namn.
Eg trur dette var eit forsøk på ironi frå "Sentralkomitéen". Dei har fått på pukkelen og vil aldri meir ytre seg her på forumet. Dersom nokon ynskjer å ta kontakt med representantar for denne komitéen, så lar det seg vanskeleg gjere då dei er send til Sibir på einvegsbillett.
Eg skal på Sufjan. selger ein billett til yo la tengo. Har ingen kommentarar om Mr. Adams.I Love you but... har eit av dei morsomste bandnavna eg har høyrt og vart difor lagt inn på mp3 spelaren for nokre mnd. sia men der har dei låg uhørt. Men så nokre spørsmål: er 120 days noko å samle på?, Har nokon ein torrent adresse til be here to love me. finn den ikkje på kjøpesidene. Kan ein stole på Stoltenberg? og vinn brann serien? Forventar at den sentrale kontrollkomiteen har nokre svar her:)
Hola, yola! Eg uttalar meg ikkje om politikk, så Stoltenberg og Brann får segle sin eigen sjø. Omtalene tatt i betraktning er kanskje 120 days noko å samle på. Eg har berre hørt dei medan dei var The Beatiful People, og det var ikkje noko å samle på. Så med utgangspunkt i ein fordomsbasert livsfilosofi, velger eg å konkludere med at dei ikkje er noko å samle på. Eg har tru på Ådd Nordstu.
Be here to love me finn du på play, og eg tvilar på du finn ein torrent gjennom konvensjonelle kanalar.
120 days minnar meg om tidleg U2.