Eg rydda i ein haug gamle filer og kom over nokre linjer eg saksa frå VG på nett ein gong på 90-talet, truleg 1998. Saka handla om at det vart innført strengare krav til reinhaldspersonale i ei fylkeskommune, og journalisten kunne tydelegvis ikkje dy seg:
«Strøk i vasking», torsdag 22. Oktober:
Fagprøven i vask gikk i vasken for de to eksamenskandidatene. Sensorene bedømte vasken til stryk, og nå skummer de to eksamenskandidatene.
De ønsker å bringe på det rene om de har vært utsatt for skitne metoder. Det blir trolig oppvask i retten.
-Fillern heller om vi gir oss på dette, sier......
Begge er forsåvidt innforstått med at det for så vidt er grei skuring å bli underkjent.
Derfor bestemte de seg for å sloss, og mener de har skarp lut. - Her er det ting som er feid under teppet, sier de to kvinnene.
Begge kvinnene føler de er blitt en rød klut for fylkeskommunen.
Deler av programmet til samtidsmusikkfestivalen Borealis er på plass og det er klart at sjølvsaste Mike Patton (tidl. Faith No More) skal opptre saman med trekkspel-, gitar-, banjo- og fløytevirtuosen Stian Carstensen (feks. Farmers Market, Banjovi). Framsyninga er på Landmark tysdag 26. februar.
31. desember, 2007 – 19:16
Biletet er teke på Beduinrock-festivalen i Middelalderparken i hovudstaden av ein som heiter Eirik. Kor vidt det oppsummerar året som har gått får vere opp til andre å vurdere. Bandet heiter Tinariwen.
30. desember, 2007 – 16:17
Det er kjekt å sjå at ein ikkje er åleine i si overtyding. Eg voks opp i ei tid då ninjastjernene stod i veggen, og eg og Tøggy laga nunchako på sløyden. Dei beste dataspela var Yie are Kung fu, International karate og The last ninja. Ralph Machio og Bruce Lee var filosofane som viste vegen framover. Men ingen var tøffare enn Lance. Han er eit tidlaust ikon som alle har noko å lære av.
28. desember, 2007 – 17:54
No då 2007 går mot historiebøkene, er det naurleg å oppsumere musikkåret. Dette er dei beste platene frå året som har gått:
Les meir »
12. desember, 2007 – 18:11
Denne veka er det slutten for KNAX i Sparebanken Sogn og Fjordane. Har du sparebøsse eller merkehefte må du straks springe til næraste filial, elles går kronestykkene dine frå barndomen med i Terra-dragsuget. Dette barnekonseptet har vore der sidan eg var liten, men heretter vert det altså Kongleriket. Mange fine metaforar for sparing i floraen, ja. Dette blir nok pop.
Eit kjapt søk på google viser at dette ikkje er noko Sparebanken Sogn og Fjordane har sugd av eige bryst. Dei har dette i mange land! Fasaden slår sprekker og tilliten til banken er for min del sterkt svekt.
10. desember, 2007 – 19:15
NRK P2 kutter pop og rock fra spillelistene, og pop-programmene fra sendeflaten. Nå skal det bli mer musicals og viser i kulturkanalen.
Då eg las dette trudde eg det var ein spøk, men det er ikkje ifølgje Dagsavisen si nettutgåve. Einaste løysinga, slik eg ser det, er å trøste seg med P. I. L. S. og pils.
10. desember, 2007 – 18:46
Etter at dei la opp i 1980 har ikkje Led Zeppelin spelt meir enn eit par (omlag 2) konsertar. I kveld spelar dei ein konsert til minne om tidlegare direktør i Atlantic Records, Ahmet Ertegün. Interessa før denne konserten har vore enorm og no går rykta om ein turné til neste år. Frank Nes, du veit kva du har å gjere.
Loading ...