Den fullstendig ukjende Funkee Homosapien-fraksjonen i Ufjelgs helgelydredaksjon har denne gangen gleda av å presentere Aesop Rock sin sleger None shall pass frå albumet med same namn.
På albumet gjestar bl. a. John Darnielle frå The Mountain Goats.
Skal vi døma etter reaksjonane på VG-nett sitt diskusjonsforum i dag, har Kristin Halvorsen sitt reviderte nasjonalbudsjett øydelagd alle framtidige sjansar for den raudgrøne regjeringa til å bli attvald. Folk er særleg vonbrotne og forbanna over avgiftsauka på bensin, ei auke som ifølgje VG vil medføre ein meirkostnad på 66 kroner i året for eigarar av ein bensinbil. Ein innsendar skriv: Helse norge og veiene her i norge ligge helt nederst på listen over europa. Er ikke det ett tegn? Nei nok er nok, og det er på tide vi ole nordman ser det og dremostrerer mot denne utviklingen, vi har vært alt for lett lurte. Ønsker sterkt å flytte fra norge om det ikke kjerpes inn…
Vel talt, her må det kjerpast over ein lav sko!
Her er nokre fleire høgdepunkt:
Eg er i eit dunkelt hjørne i dag sidan min kjære Corolla fekk smesja vinduet for ei ussel lommebok med skarve 100 bols i, og eg synes det passar godt å tilby dykk dette framifrå videoklippet med ein mindre sympatisk pokerkar.
Det er mulig det er slik de pokerspelarar oppfører dykk når de spelar profesjonelle pokerkampar, men for ein pokerparia som meg er dette sterk kost.
Kva skjer med Em-tips konkurransen i år? Blir det ikkje noko av? Det vart vel lagd ein mal forrige gang som fungerte rett så fint? Nokon som vil ta på seg å arrangere?
Vekelåta kjem frå svenske Vapnet og plata Jag vet hur man väntar. Den er ei samling med små pop-perler som passar fint til solskinet og årstida. Her får du Prästgatan, som med sine tydelege Belle & Sebastian - referansar er representativ for stemninga på plata. Ha ei fin helg!
Idag klokka 20:00 begynner kosthaldsserien Lyst og Last på Tv2. Det er programmet eg har vore fotograf for det siste halve året. Serien tar opp ulike aspekt ved det norske kosthaldet, og starter i kveld med å diskutere om vi har ein fedmeepedemi her i landet..
Det kan aldri bli for mange flinke syngedamer i sjangeren køntri. Den flinkaste av dei alle no for tida er Diana Jones. Vil ein høyre ein fin song kan ein strengt tatt velge i blinde frå plata My remembrance of you frå 2006, men den aller finaste er nok Pony. Her er det berre å nyte!
Etter mange års venting er endeleg den, i enkelte krinsar, mykje omtala Motorpsycho DVDen på veg ut i butikkane. 19. mai er datoen som må merkast med Hair Cuts: Motorpsycho on Film.
Gutane er for tida på turné i heimlandet og mange gode og gamle favorittar har vorte henta fram, som t.d.: Sunchild, Babylon og Taifun. I kveld spelar dei på Verftet i Bergen.
Eg les stadig om køntripopsyngjedamer som skal vere det nye store, men mange av dei er kjedelege og preglause. Kathleen Edwards er såvisst ikkje i den kategorien. Tredjeplata Asking for flowers er av dei sterkaste platene til no i år, og sikrar at ho held seg i same divisjon som Gillian Welch og Lucinda Williams. Her er I make the dough, you get the glory.
Loading ...