Eg synest å hugse at det var ein del av denne sida sine flotte bidragsytarar som hadde tenkt seg på Sufjan Stevens-konserten som var i Oslo for ei stund sida. Var det ingen som gjekk på konserten? Selde dei billettane? Eller har dei gløymd å skrive ei melding på Doktor Munk?
Det har dumpa ned eit par juleplater i postkassa mi. Det er Amiee Mann si "One more drifter in the snow", stort sett julecoverlåtar i kjend Mann-stil. Og Sufjan Stevens "Presents songs for Christmas", ein forundringspakke med 5 cd-ar med opptak av julesongar gjort frå 2001-2006. Her er både klassikarar i ny drakt og heimesnikra julehits. Frå enkle intrumentalversjonar på piano til velkjend ofseleg orkestrerte songar. I tilleg til musikken får du med songhefte med nokre noveller, klistremerkje, teikneserie og plakat av den godaste Stevens med kone og born poserande framfor juletreet i stova (sic). Eg registrerer også at Morgenbladet sin meldar, beinhard ateist, nærast vert religiøs av musikken til dette kristne multitalentet frå Michigan. Ein cd-boks med julesongar er vel ikkje verste måten å starte ei omvending på?
I det siste har eg byrja å lure på om draumen om å bli fotballproff aldri ville bli noko meir enn ein draum. Men med flaumen av penger i norsk fotball er det definitivt riktig tidspunkt å satse no. Berre les her!
Laurdag var det kjøpefri dag over heile verda. Du lurer sikkert på korleis det gjekk. Her er nokre ferske fakta:
- Det vart registrert 6,5 millionar korttransaksjonar i Noreg denne helga.
- Nordmenn brukte i snitt 417 kroner per transaksjon.
- Totalt vart det handla for 2, 7 milliarder kroner, ei auke på 11 % frå samme tid i fjor.
Det er fullt mogeleg å tenkje seg at ikkje alle lesarane av Doktor Munk er lesarar av avisa Firda. Difor vil eg gjerne komme med nokre opplysningar om kva som rører seg i den sunnfjordske folkesjela for tida. Les meir
Eg hadde bestemt meg for å vente til jul, og det har gått bra i fleire månader no, men i dag måtte eg berre krype til korset og skaffe meg den siste Dag Solstad-boka: Armand V. fotnoter til en uutgravd roman. No får eg heller gle meg til eventuelt å få den nye boka til Ragnar Hovland.
Eg vart nett oppringt av ei dame som ville selge abbonement på Viasat. Ho lurte på kva for kanal eg såg mest på. Då eg svara NRK, fekk eg denne reaksjonen:
Hahahahahahahahahahahahahahahahaha!
For der går det så mange bra program lissom?
Hahahahahahahahahahahaha!
Kva er gale med NRK?
Storpolitikk, nabofeide, rettsak, sleipe eigedomsmeklarar og ein tannbørste som heng frå eit tre, alt i ein og same artikkel. Det kan umogleg bli betre! Les heile saka her.
Dolly Parton spelar til dans i Vestlandshallen fredag 9. mars. Hoppsasa!
Loading ...
