Her er det endelege provet på at det eksisterer ei kaffistove på Husnes med eit velklingande namn:
Takk til Rune for observasjon.
Archive for juli, 2005
Dokumentasjon
onsdag, juli 27th, 2005Masfjordhelg
onsdag, juli 27th, 2005Kona og eg reiste førre helg ein tur til Masfjorden, der me har eit feriehus. Sju andre ungdomar var så heldige å få vere med. Det vart bading, fisking, soling og lesing. På sundagen vart det endåtil ein tur til fjells.
Veret var med oss og me fekk nok fisk til suppa på laurdagskvelden. Eg fekk også kome meg nokre sider vidare i boka av Murakami.
Utsikt til bedring?
måndag, juli 25th, 2005Då det tydelegvis skjer lite og ingenting på Doktor Munk for tida tek eg meg den fridomen det er å poste eit bilete med utsikt frå toppen av Viefjellet 24. juli i år.
Thing to do in Åsane before you die
tysdag, juli 12th, 2005Det hadde seg slik at eg for ei tid tilbake var ein tur i Åsane. Det er sjeldan eg reiser dit av eigen hug, men når eg no fyrst var der så tenkte eg at eg måtte stikke innom Baunen, ein delikatessebutikk som ligg i Arken. Der har dei nokre heimelaga skinker som det har stått mykje bra om i avisene. Eg kjøpte med nokre skiver av den som heitte Ti Piace. Det er ei skinke som er salta etter italiensk oppskrift. Dei har og ei som er "norsksalta". Dette er gode greier! Løp å kjøp! Dersom du er så heldig å ha ei flaske avkjølt Argüeso Amontillado Sherry ståande, så er dagen fullkomen! Det er verd kvar krone. Passar fint å ta med i parken. Tek mindre plass enn kotelettar og du slepp styret med eingongsgrill.
Ein av dei hundre beste
måndag, juli 11th, 2005Ser i ein kommentar av Nøste Kendzior i Dag og Tid frå 09.07.05 at ein del norske professorar meiner at Vi morer oss til døde er ein av dei hundre viktigaste sakprosabøkene i vår tid. Boka er no tjue år gamal og ho kom på norsk i 1987. Forfattar Neil Postman kritiserer fjernsynet for fragmentering og for å fjerne folk frå informasjon som er logisk, fornuftig og seriøs.
No har eg ikkje lese så inni hampen mange sakprosabøker, men eg kan på alle måtar stille meg bak at dette er ei god og vel så aktuell bok i dag som då ho kom ut. Det skadar på ingen måte å ha lese Brave New World av Aldous Huxley, og George Orwell si 1984 fyrst.
Dei hundre beste
sundag, juli 10th, 2005I 1991 vart det i Noreg nominert bøker til Århundrets Bibliotek, som skulle omfatte dei 100 beste, mest sentrale bøkene i det 20. århundre. På oppdrag fra De norske Bokklubbene kåra seinare 100 forfattere frå 54 land det såkalla Verdensbiblioteket. Eg vil ikkje vere dårlegare. Her er lista over dei hundre beste bøkene eg har lese til dags dato.
Fisketur
laurdag, juli 9th, 2005Eg var på Haukelifjell denne veka saman med studiekameratar frå Sogndal. Lars Tore fekk denne fisken og ein til. (N.B. Biletet kan vere manipulert)
Audioscrobbler – something like a phenomenon
onsdag, juli 6th, 2005Dei siste vekene har eg kosa meg mykje over og med den fabelaktige tenesta Audioscrobbler (www.audioscrobbler.com). Dette er ei teneste som vha. eit lite innstikk (plugin) til musikkavspelingsprogrammet, registrerer kva musikk du spelar på pcen og lagrar statistikk over dette. Vel og bra, men som regel er det enkelt å ha kontroll på kva ein spelar. Det som er det fabelaktige med Audioscrobbler er at den, basert på den musikalske profilen din, finn "naboar" som har ein musikksmak tilsvarande din. Dette gjev uante moglegheiter for å oppdage ny og ukjent musikk.
(meir...)
Jam
onsdag, juli 6th, 2005Som det ofte er på onsdagskveldar, er det også i kveld jam på Kamelon. Vertar i kveld er Mr. Reed y compadres og Leif-en har sagt at det vert songar snekra av dei meritterte karane Neil Young og Towns Van Zandt. Seinare er det då høve til å få jamme litt eller spele favorittsongen sin.
Ps: På laurdag var eg på Jan Eggum-konsert for fyrste gong (etter å ha budd i Bergen i over 4 (sic) år), og har dermed fått kryssa ut eit av punkta på lista over ting å gjere før eg stikk frå byn. Det var riktig nok berre ein gratiskonsert på festplassen med støyande konferansier.
PÃ¥ dagen i dag for nøyaktig eit Ã¥r sidan…
onsdag, juli 6th, 2005Sommaren i Sunnfjord kan vere utruleg bra, men i år svarar den på ingen måte til forventningane. Det freistande å pakke sekken og dra sin kos. På samme tid i fjor skjedde dette:
